De Technische Kemissie verzörg alle zake die met techniek te make hebbe.

Inkele veurbeelde zien:
De hoesversieringe van de Prins en van de twieë adjudante waere door de TC zellef gemak en op de huùzer geschroef. Det gebeurt metein d'n daag nao ut oètrope van ut nieje trio. Dök geit det gepaard met de nuuedige joeks en Jaegermeister.

Ouk de zaal- en bühneversieringe in ós residentie 'ut Tref' waere door de TC óntworpe en gemak. Heejbeej mótte weej ós halde aan de regels van de zaalbeheerder en de brandweer. Det beteikent de noeëdoetgange vreejhalde, brandvreeje materiale gebroeke enz.

Idder jaor haet de vastelaovend beej De Kwas ein ander motto. De versieringe waere aan dit motto aangepas. Alle decorstökke waere in eige beheer geteikend, getummerd en geschilderd.

Heejveur hebbe weej ein prachtige werkplaats ingerich, in de kelder van ós residentie. Veur opslaag van de materiale en decors hebbe we ein gedeilte van de zölder ter beschikking. Vaeder mak de TC alle hölpmiddele die veur eine gooje vastelaovend nuuedig zien.