Zóndaag 3 september hebbe weej in en um Ut Tref ózze jaorlikse Femiliedaag gehalde. 

Ónder 't genot van koffie mit vlaai woort d'r drök geklasjeneerd euver de vekansie. De Kwaste en Kweskes hebbe zich in de vekansiemaonde good kinne oplaaje veur weer ein niej vastelaovesseizoen. 

De ierste activiteit waas 'ne fotospeurtóch. De organisatie had 't ederein mekkelik gemak door de foto-opdrachte, welke oetgeveurd deende te waere um punte beejein te verzamele., alvas op pepeer te zette. Alles woort via de smartphone versteurd en verzameld in Ut Tref. 

De kwantste kiekskes kwame veurbeej en de binnestad woort onveilig gemak. Naoderhand woorte dees kiekskes nog geprissenteerd op de tillevisie. Erg leuk!

D'n daag woort zoe wie altied aafgeslaote mit 'ne good verzörgde barbecue.