Vandaag hebbe weej, same met de andere Venlose wiekgezelschappe, via 'n persberich gecommuniceerd det weej in 't Vastelaovesseizoen 2020-2021 gen trio veur zoeëwaal de volwassene as de jeug oet rope.

Gezeen de huidige maatregele in deze ónzekere Corona-tied is 't veur ós as wiekgezelschap neet te doon, um 'n trio op 'n waerdige wies oet te rope en 'ne ónvergaetelikke joeksige tied aan te beje.

'n Vastelaoveseizoen zónder trio is in de historie van ós gezelschap gen unicum.
In ’t seizoen 1960-1961 woort d’r door ’t bisdom verbaoje um vastelaovesactiviteite te organisere in ’t Patronaat (noow Ut Tref) en in ’t seizoen 2013-2014 organiseerde De Kwas de Boerebroelof en zoog ’n trio naeve ’n broedspaar neet zitte.