Vastelaovend viers se met al waat dich leef is. Maar veur de gezóndheid van al waat dich leef is zets se smeis de vastelaovend efkes aan de kant.

De letste waeke loupe de coronaciefers jaomer genóg sterk op en is de drök op ‘t perseniel in de zörg en op de IC in ‘t gashoes nog vaerder toegenaome. Dit in beschouwing hebbende genaome en daobeej ouk dinkende aan de gezóndheid van ederein dae ós leef is, haet Vastelaovesgezelschap De Kwas, in euverleg met eur zittend trio Prins Mark d’n twieëde met zien adjudante Wilburt en Jeroen, ’t besteur en eur residentie Feestzaal Ut Tref, beslaote um ‘t aaftraeje van eur trio tiedes De Letste X op zaoterdaag 13 november neet door te laote gaon.

Taeves zal ’t kabinet venaovend tiedes ‘ne persconferentie, nao alle waarschienlikheid, ‘ne lockdown aafkóndige.

In good euverleg zal gekeke waere nao ‘ne vervangende datum, wao ‘t Kwastetrio op ‘n waerdige wies kin aaftraeje.