Dao is se dan, dao is se dan!
Gepubliceerd op 08 fibberwari 2025
Op ’n óntzettend drök bezóch Pallesaotebal, is zoeëjuus ós nieje trio oetgerope. In dit bizóndere jubeljaor van 6x11 jaor De Kwas, gaon Prins Maurice I met zien kwante adjudante Bastiaan en Loek, de Venlo-Zuidse vastelaovend veur.
As joeksig jubeltrio gaon zeej de Venlo-Zuidse vastelaovend veurop met eure liefspreuk:
Zet óg schrap en maak óg klaor
Want dae ónvervalste Venlo-Zuidse vastelaovend is weer dao
Al 6 x 11 jaor zit d’r meziek in De Kwas
Weej as jubeltrio haole alles oet de kas
Laeve De Kwas!
Zeej halde receptie op zaoterdaag 22 fibberwari vanaaf 16.11 in Feeszaal Ut Tref aan de Hendrikxstraot te Venlo-Zuid.
Facebook