Blievend stök stadsresidentie De Blauw Trap
Gepubliceerd op 20 fibberwari 2025
Weej viere dit jaor 6x 11 jaor de Kwas en kwame d'r ouk achter det weej ouk al mier as 11 jaor beej de Blauw Trap kómme, ós stadsresidentie.
Iers as ein oetprobeersel beej Rob van Riene. Dit jaor al veur ‘t 11de jaor beej Sonny in Blauw Trap.
Um dit heugelikke feit en um ós eige jubileum net det extra te gaeve en um te onderstrepe det weej ós heej thoes veule hebbe weej Leon Peeters, (geej weit waal de man van ‘t óntwerp van ‘t nieje Kwastemenke, en ós jubellogo) gevraog um 'n blievende herrinnering te make.
Veur ‘t ónthulle hebbe weej ós aldste en ós jóngste lid gevraog um same aan ós dit kunswerk te toeëne en heej 'n blievende herrinnering aan dees verbóndenheid te verieëwige.
Dhr. Fried Driessen 78 jaor ald, Ald Prins van ‘t jaor 1984 en drager van de extra Hoeëge Onderscheiding
Femm Pennings 6 jaor jónk en Lid van de Mini Garde.
Facebook