Extra-Hoeëge Ónderscheiding

In de vastelaoveswaereld vlege dich de ónderscheidinge dök um de oere, de ein nog belangrieker as de andere. Vandaor det "De Kwas" 'n ónderscheiding oetreik aan minse, die jaorelank oetzónderlikke verdeenste hebbe gehad veur de vereiniging of de vastelaovend in ‘t algemein en die geneump haet: de Extra-Hoeëge Ónderscheiding.

In de ruum 50 jaor van ós bestaon zien d’r neteurlik óntelbare minse gewaes, die zich veur mier as 100% hebbe ingezatte um ‘t vastelaoveserfgood op ein aanspraekende wies door te gaeve aan ‘t publiek in Venlo-Zuid. Op dees pagina vindt geej de kopstökke, die dees medalie en oorkónde mochte óntvange veur beweze deenste.

Dames en hiere, bedank veur óggen inzet en haopelik ziet geej ein inspiratiebrón veur andere, um zich veur ‘t plezeer van de minse in de wiek in te zette.

Leje Van Verdeenste

D'n Brum

De erkintelikheidónderscheiding “D’n Brum” wuurt oetgereik beej hoeëge oetzóndering aan de persoeën in groeët Venlo:

- dae zich mier as 11 jaor boetegewoeën actief haet opgesteld.
- dae zien eige rol óndergeschik mak aan det van andere.
- dae vorm wet te gaeve aan bestuurlikke functies binne ut gezelschap.
- dae ut verdeend um ouk (nog ens) op de veurgrónd te staon.